شاعری

حضرت علامہ محمد اقبال رحمۃ اللہ علیہ
کے مجموعہ کلام بانگِ درا کی نظم 
"ایک حاجی مدینے کے راستے میں" 

قافلہ لوٹا گیا صحرا میں اور منزل ہے دور
اس بیاباں یعنی بحر خشک کا ساحل ہے دور

ہم سفر میرے شکار دشنۂ رہزن ہوئے
بچ گئے جو ، ہو کے بے دل سوئے بیت اللہ پھرے

اس بخاری نوجواں نے کس خوشی سے جان دی !
موت کے زہراب میں پائی ہے اس نے زندگی

خنجر رہزن اسے گویا ہلال عید تھا
"ہائے یثرب" دل میں ، لب پر نعرۂ توحید تھا

خوف کہتا ہے کہ یثرب کی طرف تنہا نہ چل
شوق کہتا ہے کہ تو مسلم ہے ، بے باکانہ چل

بے زیارت سوئے بیت اللہ پھر جاؤں گا کیا
عاشقوں کو روز محشر منہ نہ دکھلاؤں گا کیا

خوف جاں رکھتا نہیں کچھ دشت پیمائے حجاز
ہجرت مدفون یثرب میں یہی مخفی ہے راز

گو سلامت محمل شامی کی ہمراہی میں ہے
عشق کی لذت مگر خطروں کے جاں کاہی میں ہے

آہ! یہ عقل زیاں اندیش کیا چالاک ہے
اور تاثر آدمی کا کس قدر بے باک ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

زندگی تیرے تعاقب میں یہ لوگ

اتنا چلتے ہیں کہ مر جاتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کہاں ہے اَرض و سَما کا خالق
کہ چاہتوں کی رگیں کُریدے
ہَوس کی سُرخی رُخِ بَشر کا
حَسین غازہ بنی ہُوئی ہے
کوئی مَسیحا اِدھر بھی دیکھے،
کوئی تو چارہ گری کو اُترے
اُفق کا چہرہ لہُو میں تَر ہے،
زمیں جنازہ بنی ہُوئی ہے

۔۔۔۔۔۔۔۔۔۔۔۔۔۔۔۔۔۔

جانے کس دل سے مسکراتے ہیں
وہ جو اندر سے ٹوٹ جاتے ہیں

۔۔۔۔۔۔۔۔۔۔۔۔۔۔۔۔۔۔

جو نِبھا نہ سکتے ہوں رسمِ محبت
اُن سے کہہ دو کہ وہ جذبات سے کھیلا نہ کریں

۔۔۔۔۔۔۔۔۔۔۔۔۔۔۔۔

جو میرا ہے میں کسی اور کو کیوں دوں
میں اپنی محبت میں بچوں کی طرح ہوں

۔۔۔۔۔۔۔۔۔۔۔۔۔۔۔

جہاں رہے گا روشنی لٹائے گا
کسی چراغ کا اپنا مکاں نہیں ہوتا

۔۔۔۔۔۔۔۔۔۔۔۔۔۔۔۔۔۔۔

جس کو دیکھا اُس کو مخلص پایا
بہت فریب دیا ہے میری آنکھوں نے مجھے

۔۔۔۔۔۔۔۔۔۔۔۔۔۔۔۔۔۔۔

جو برائی تھی میرے نام سے منسوب ہوئی
دوستو کتنا برا تھا میرا اچھا ہونا

۔۔۔۔۔۔۔۔۔۔۔۔۔۔۔۔۔

جانتا ہوں ایک ایسے شخص کو میں بھی منیر
غم سے پتھر ہو گیا لیکن کبھی رویا نہیں

۔۔۔۔۔۔۔۔۔۔۔۔۔۔۔۔۔۔

جانے کس عمر میں جائے گی یہ عادت اپنی
روٹھنا اُس سے تو اوروں سے اُلجھتے رہنا

۔۔۔۔۔۔۔۔۔۔۔۔۔۔۔۔۔۔۔

کوئی ٹھکرا دے چاہت کو تو ہنس کر سہہ لینا
محبت کی طبیعت میں زبردستی نہیں ہوتی

۔۔۔۔۔۔۔۔۔۔۔۔۔۔۔۔۔۔

لہجہِ یار میں زہر ہے بچھو کی طرح ۔۔۔
وہ مجھے “آپ” تو کہتا ہے مگر ” تُو” کی طرح

۔۔۔۔۔۔۔۔۔۔۔۔۔۔۔۔۔۔۔

میں لوگوں سے ملاقاتوں کے لمحے یاد رکھتا ہوں
میں باتیں بھول بھی جاؤں تو لہجے یاد رکھتا ہوں
سرِ محفل نگاہیں مجھ پہ جن لوگوں کی پڑتی ہیں
نگاہوں کے معانی سے وہ چہرے یاد رکھتا ہوں
ذرا سا ہٹ کے چلتا ہوں زمانے کی روایت سے
کہ جن پہ بوجھ میں ڈالوں وہ کاندھے یاد رکھتا ہوں
میں یوں تو بھول جاتا ہوں خراشیں تلخ باتوں کی
مگر جو زخم گہرے دیں وہ رویے یاد رکھتا ہوں...!!!!

۔۔۔۔۔۔۔۔۔۔۔۔۔۔۔۔۔۔۔

اپنا معیار زمانے سے جدا رکھتے ہیں , , ,
ہم تو محبوب بھی محبوبِ خدا رکھتے ہیں

۔۔۔۔۔۔۔۔۔۔۔۔۔۔۔۔۔۔۔

دعویٰ وفا کا اور تمنا جسم کی
اگر یہی عشق ہے تو ہوس کیا ہے؟؟

۔۔۔۔۔۔۔۔۔۔۔۔۔۔۔۔۔۔

دستور یہاں بھی گونگے ہیں فرمان یہاں بھی اندھے ہیں
اے دوست خدا کا نام نہ لے ایمان یہاں بھی اندھے ہیں

تقدیر کے کالے کمبل میں عظمت کے فسانے لپتے ہیں
مضمون یہاں بھی بہرے ہیں عنوان یہاں بھی اندھے ہیں

زر دار توقّع رکھتا ھے نادار کی گاڑھی محنت پہ
مزدور یہاں بھی دیوانے ذیشان یہاں بھی اندھے ہیں

کچھ لوگ بھروسہ کرتے ہیں تسبیح کے چلتے دانوں پر
بے چین یہاں یزداں کا جنوں انسان یہاں بھی اندھے ہیں

بے نام جفا کی راہوں پر کچھ خاک سی اڑھتی دیکھی ھے
حیران ہیں دلوں کے آئینے نادان یہاں بھی اندھے ہیں

بے رنگ شفق سی ڈھلتی ھے بے نور سویرے ہوتے ہیں
شاعر کا تصوّر بھوکا ھے سلطان یہاں بھی اندھے ہیں
(ساغر صدیقی)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اصول بیچ کے مسند خریدنے والو
نگاہِ اہلِ وفا میں بہت حقیر ہو تم

۔۔۔۔۔۔۔۔۔۔۔۔۔۔۔۔۔۔۔۔۔

ذرا " بیٹی " اسے کہہ کے پکارو
بہو بهی مسکرانا چاہتی ہے۔۔!!

۔۔۔۔۔۔۔۔۔۔۔۔۔۔۔۔۔۔۔۔۔

یہ اندھیرا ایک دن پھر روشنی بن جائیگا
وہ دیا جو بجھ گیا ہے پھر سے جلتا دیکھنا

۔۔۔۔۔۔۔۔۔۔۔۔۔۔۔۔۔۔۔

اقبال کر، مجھے قیس کر، سقراط کر یا پھر میر کر 
یا رب میرے وجود کو ۔۔ ۔۔ ۔۔ ۔۔ تو پایائے تکمیل کر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جس دیس میں ماؤں بہنوں کو ۔ ۔ ۔ ۔ ۔ ۔۔ ۔۔۔ ۔ ۔ ۔ اغیار اٹھا کر لے جائیں

جس دیس سے قاتل غنڈوں کو ۔ ۔ ۔ ۔ ۔ ۔ ۔ ۔ ۔ ۔ اشرار چھڑاکر لے جائیں

جس دیس کی کورٹ کچہری میں ۔ ۔ ۔ ۔ ۔۔ ۔ ۔ ۔ ۔ ۔ انصاف ٹکوں پر بکتا ہو

جس دیس کا منشی قاضی بھی ۔ ۔ ۔۔۔۔۔۔۔۔ ۔ ۔ مجرم سے پوچھ کے لکھتا ہو

جس دیس کے چپے چپے پر ۔ ۔ ۔ ۔ ۔ ۔ ۔۔ ۔ ۔ ۔ ۔ پولس کے ناکے ہوتے ہوں

جس دیس کے مندر , مسجد میں ۔ ۔۔۔ ۔ ۔ ۔ ۔ ۔ ۔ ۔ ہر روز دھماکے ہوتے ہوں

جس دیس میں جاں کے رکھوالے ۔ ۔۔۔۔۔ ۔ ۔ خود جانیں لیں معصوموں کی

جس دیس حاکم ظالم ہوں ۔ ۔ ۔ ۔۔۔۔۔۔۔ ۔ ۔ سسکیاں نہ سنیں مجبوروں کی

جس دیس کے عادل بہرے ہوں ۔ ۔۔۔ ۔ ۔ ۔ ۔ آہیں نہ سنیں معصوموں کی

جس دیس میں آٹے چینی کا ۔ ۔ ۔ ۔ ۔۔۔۔ ۔ ۔ ۔ ۔ ۔ بحران فلک تک جا پہنچے

جس دیس میں بجلی پانی کا ۔ ۔ ۔ ۔ ۔۔۔۔۔۔ ۔ ۔ ۔ ۔ فقدان حلق تک جا پہنچے

جس دیس کے ھر چوراھے پر ۔ ۔ ۔ ۔ ۔ ۔۔ ۔ ۔ ۔دو چار بھکاری پھرتے ھوں

جس دیس میں روز جہازوں سے ۔ ۔ ۔ ۔ ۔ ۔۔ ۔ ۔ ۔ امدادی تھیلے گرتے ھوں

جس دیس میں غربت ماؤں سے ۔ ۔ ۔ ۔۔۔۔۔۔۔ ۔ ۔ ۔ ۔ ۔بچے نیلام کراتی ھو

جس دیس میں دولت شرفاء سے ۔ ۔ ۔ ۔ ۔ ۔ ۔۔۔۔ ۔ ۔ ۔ ۔ ۔ ناجائز کام کراتی ہو

جس دیس کے عہدیداروں سے ۔ ۔ ۔ ۔ ۔ ۔ ۔ عہدے نہ سنبھالے جاتے ہوں

جس دیس کے سادہ لو انسان ۔ ۔ ۔ ۔ ۔ ۔۔۔۔ ۔وعدوں پر ھی ڈھالے جاتے ھوں

اس دیس کے ہر اک لیڈر کو ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ کٹہرے میں لانا واجب ہے

جس کو دیکھا اُس کو مخلص پایا

بہت فریب دیا ہے میری آنکھوں نے مجھے

Like